Syıaqy, otbasylarǵa kómek: Pavlodar oblysynda Respýblıka kúni qalaı atalyp ótedi
«Búgingi tańda óńirde Respýblıka kúnin merekeleý boıynsha jospar ázirlengen. Qazirdiń ózinde is-sharalar júzege asyrylypjatyr. Jalpy, mereke kúni alańdarda, qalalar men aýdandardaǵy saıabaqtarda kontsertter, sporttyq jáne basqa da sharalar ótetin bolady», - dedi Baltabaı Qappasov.
Sondaı-aq merekege oraı «Qamqorlyq» aılyǵy aıasynda áleýmettik jaǵynan álsiz toptaǵy azamattardy qoldaý maqsatynda «Janashyr júrek» aktsııasy ótip jatyr.
«Búginde 16 myńnan astam adamǵa túrli kómek kórsetildi. Egde jastaǵy adamdar, múmkindigi shekteýli jandar, kóp balaly, turmysy tómen otbasylar kómek alýda. Demeýshiler esebinen 96 mıllıon teńgege ártúrli kómek kórsetildi. Bireýler otbasylarǵa azyq-túlik sebetin berýde», - dedi Baltabaı Qappasov.
Demalys kúnderi aýyl sharýashylyǵy jármeńkesi, «Taza tabıǵat» atty ekologııalyq aktsııalar, jumyssyz adamdardy jumyspen qamtý úshin bos oryndar jármeńkesi ótedi.
«Óńirdegi mańyzdy sharalardyń biri 20 qazan kúni daryndy 100 oqýshyǵa arnalady. Jyl saıynǵy «Táýelsizdik Ulandary» premııasy tabystalady. Syıaqy kólemi 50 aılyq eseptik kórsetkishti quraıdy», - dedi Baltabaı Qappasov.
Basqarma basshysynyń aıtýynsha, oǵan qosa, 21 qazan kúni jyl saıynǵy «Táýelsizdik urpaqtary» premııasy tabystalady. Munda kásibı, ǵylymı, shyǵarmashylyq qabiletterin kórsetken, qoǵamdyq belsendiligi, sporttyq jetistigi bar 20 talantty jas azamat marapattalady. 10 nomınatsııada 2 jeńimpazdan marapatqa ıe bolyp, 500 myń teńge syıaqy beriledi.
«Mereke aıasynda jappaı ánurandy oryndaıtyn «Qyran elim - Qazaqstanym» patrıottyq aktsııasy ótpek. Merekede vıdeoquttyqtaýlar, oblystyń jáne elimizdiń órkendeýine úlesin qosqan eńbek ardagerleri quttyqtalady», - dedi Baltabaı Qappasov.
Odan bólek, 25 qazanda QHA etnomádenı birlestikteriniń jastary arasynda «Ónerimiz saǵan, Qazaqstan!» patrıottyq ánder festıvali uıymdastyrylmaq.
Aıta keteıik, Respýblıka kúnine oraı oblysta barlyǵy 300-den astam is-shara ótkizý josparlanǵan.
