Syryqpen sekirýshi Fılıppov Pragadaǵy jarysta qola júldeger atandy
ASTANA. QazAqparat - Chehııa astanasy Praga qalasynda dástúrli Iozef Odlojıl memorıaly ótti. Bul jarys halyqaralyq European Athletics Classic Permit Meetings týrnıriniń bir serııasy bolyp sanalady, dep habarlaıdy QazAqparat QR Jeńil atletıka federatsııasyna silteme jasap.
Qazaqstannan 26 jastaǵy syryqpen sekirýshi Nıkıta Fılıppov qatysty. Atalǵan saıys túrinen Fılıppovten bólek, Ýkraına, Ulybrıtanııa, Chehııa jáne beıtarap sportshy retinde qatysqan Reseı atletteri boldy.
Nıkıta jarysty 5,15 metrmen bastady. Odan keıingi múmkindikterinde 5,30 jáne 5,45 metrdi baǵyndyrdy. Budan soń, 5,55 jáne 5,60 metrge umytylyp kórgenimen sátsiz shyqty. Sóıtip, qazaqstandyq sportshy chehııalyq Mıhaıl Balnermen birge qola júldege ıe boldy. Ekeýiniń de úzdik kórsetkishi - 5,45 metr.
Al birinshi oryn Frantsııanyń Monbelıar qalasyndaǵy týrnırdiń chempıony atanǵan ýkraınalyq Vladıslav Malyhınge buıyrdy. Ekinshi orynǵa ulybrıtanııalyq Adam Heıg turaqtady.
Praga. Iozef Odlojıl Memorıaly. Syryqpen sekirý.
Erler:
1. Vladıslav Malyhın (Ýkraına) - 5.55 m
2. Adam Heıg (Ulybrıtanııa) - 5.55 m
3. Nıkıta Fılıppov (Qazaqstan) - 5.45 m
3. Mıhal Balner (Chehııa) - 5.45 m
