Syrtqy saýda palatasy qazaqstandyq ónimderdi Reseıde tanystyrdy

MÁSKEÝ. QazAqparat - Máskeý qalasynda Qazaqstannyń Syrtqy saýda palatasy men «Atameken» Ulttyq kásipkerler palatasy uıymdastyrǵan qazaqstandyq kásipkerlerdiń saýda-ekonomıkalyq mıssııasy ótti, dep habarlaıdy QazAqparat SSP baspasóz qyzmetine silteme jasap.  

Іs-shara «Máskeý saýda-ónerkásiptik palatasy» odaǵynyń qoldaýymen júzege asty. Bıznes-mıssııa quramyna tamaq ónimderin, elektr-tehnıkalyq taýarlardy, kásiptik jýý jáne dezınfektsııalaý quraldaryn óndirý salasynyń kásiporyndary kirdi. Atap aıtqanda, tamaq ónimderi blogynda kondıterlik ónimderdi, shujyq jáne et delıkatesterin, jyldam daıyndalatyn ónimderdi, tabıǵı bal, tosap pen kompottardy, qyshqyl sút ónimin  óndirýshilerdiń keń spektri boldy.

Qazaqstan Syrtqy saýda palatasynyń ókili Dýlat Omarovtyń aıtýynsha, SSP qazaqstandyq óndirýshiler de, reseılik áriptester de paıdalana alatyn qoldaýdyń úlken baǵdarlamasyn usynyp otyr.

«Qazaqstan men Reseı arasyndaǵy taýar aınalymy ótken jyly 17,5 mlrd dollar  bolǵan jáne birlesken kásiporyndar qarqynmen ósken kezde de yntymaqtastyq áleýeti sarqylmaıdy», - dep atap ótti Dáýren Omarov.

Resmı sharalar aıaqtalǵannan keıin qazaqstandyq jáne reseılik kásiporyndar V2V-sessııasy sheńberinde ekijaqty kelissóz ótkizdi. Máskeýlik rıteıl-jelilerdiń ókilderi Qazaqstannan kelgen áleýetti áriptesterdiń ónimin kórip, dámin tatty. Bul - otandyq tamaq óndirýshiler úshin reseılik iri rıteılerlermen baılanys ornatýdyń zor múmkindigi.

Mıssııa qorytyndysy boıynsha qazaqstandyq jáne reseılik kompanııalar arasynda yntymaqtastyq týraly sharttarǵa qol qoıyldy.