Syrtqy saýda aınalymy 66688,1 mln. AQSh dollaryn qurady - Statıtıka agenttigi
ASTANA. 14 tamyz. QazAqparat - Qysqa merzimdi ekonomıkalyq ındıkator bıylǵy qańtar-shildede byltyrǵy qańtar-shildege qaraǵanda 3,6 paıyzǵa artyq boldy.
Qysqa merzimdi ekonomıkalyq ındıkatordy esepteý jedeldilikti qamtamasyz etý maqsatynda júzege asyrylady jáne JІÓ-niń 67-68 paıyzyn quraıtyn aýyl sharýashylyǵy, ónerkásip, qurylys, saýda, kólik jáne baılanys sııaqty negizgi salalar boıynsha shyǵarylym ındeksteriniń ózgerýine negizdeledi. Bul týraly búgin jýrnalıstermen bolǵan baspasóz máslıhatynda QR Statıstıka agenttiginiń tóraǵasy Álıhan Smaılov málimdedi.
Onyń aıtýynsha, 2012 jylǵy qańtar-shildede negizgi kapıtalǵa salynǵan ınvestıtsııa kólemi 2528,7 mlrd. teńgeni qurady, bul ótken jylǵy sáıkes kezeńge qaraǵanda 2,7 paıyzǵa artyq.
2012 jylǵy qańtar-shildede ónerkásip óndirisiniń kólemi 9363,3 mlrd. teńgeni qurady. Ken óndirý ónerkásibinde jáne karerlerdi qazýda óndiris kólemi 0,7 paıyzǵa, óndiris óńdeý ónerkásibinde 2,1 paıyzǵa, elektrmen jabdyqtaý, gaz, bý berý jáne aýa baptaýda 5,4 paıyzǵa artty. Sýmen jabdyqtaýda, káriz júıesi, qaldyqtardy jınaý jáne bólýdi baqylaýda óndiris 4,2% tómendedi.
Atalmysh ýaqyt aralyǵynda aýyl sharýashylyǵy jalpy óniminiń kólemi 587,9 mlrd. teńgeni qurap, 2011 jylǵy qańtar-shildemen salystyrǵanda 5,3%-ǵa kemshin túsip otyr.
Sondaı-aq, 2012 jylǵy qańtar-shildede júk aınalymynyń kólemi 263 mlrd. teńgege jetip, byltyrǵy osy kezeńmen salystyrǵanda 13,6%-ǵa ósti.
Esepti kezeńde bólshek saýda kólemi (qoǵamdyq tamaqtandyrý aınalymynsyz) 2276,3 mlrd. teńgeni qurap, 2011 jylǵy qańtar-shildemen salystyrǵanda 12,6%-ǵa ósti.
Al kóterme saýda kólemi 5965,2 mlrd. teńgeni qurap, byltyrǵymen salystyrǵanda 15,1% artty.
Agenttik tóraǵasynyń aıtýynsha, tamaq ónimderi men sýsyndardy usyný qyzmetteriniń kólemi 110,8 mlrd. teńgeni qurady. Bul sala byltyrǵy osy kezeńnen 12,2%-ǵa artyq shyqqan.
«Syrtqy saýda aınalymy 66688,1 mln. AQSh dollaryn qurap, 2011 jylǵy qańtar-maýsymmen salystyrǵanda 14,2% ósti, onyń ishinde eksport - 46755,3 mln. AQSh dollaryn (10,8% ósti), ımport - 19932,8 mln. AQSh dollaryn qurady (23,2% ósti)», dep atap ótti Á. Smaılov.
