Syrtqy saýda aınalymy 34,1 paıyzǵa ósti - Statıstıka
ASTANA. 14 mamyr. QazAqparat - 2012 jylǵy qańtar-naýryzda syrtqy saýda aınalymy 30878,7 mln. AQSh dollaryn qurap, 2011 jylǵy qańtar-naýryzben salystyrǵanda 34,1% ósti.
Bul týraly búgin Astanada ótken brıfıngte QR Statıstıka agenttiginiń tóraǵasy Álıhan Smaıylov málim etti.
Onyń ishinde eksport - 21878,6 mln. AQSh dollaryn (32,3% ósti), ımport - 9000,1 mln. AQSh dollaryn qurady (38,7% ósti).
Agenttik basshysynyń aıtýynsha, esepti kezeńde bólshek saýda kólemi (qoǵamdyq tamaqtandyrý aınalymynsyz) 1235,5 mlrd. teńgeni qurap, 2011 jylǵy qańtar-sáýirmen salystyrǵanda 11,8% ósken. Al kóterme saýda kólemi 2964 mlrd. teńgege jetip, 2011 jylǵy qańtar-sáýirmen salystyrǵanda 15,5%-ǵa artqan. 2012 jylǵy qańtar-sáýirde júk aınalymynyń kólemi 2011 jylǵy tıisti kezeńmen salystyrǵanda 16,7% ósti.
