Syrtqy naryqta astyqtyń baǵasy joǵarylaǵanymen, Qazaqstandaǵy nannyń baǵasy ózgermeýi tıis - Úkimet basshysy
ASTANA. Shildeniń 20-sy. QazAqparat /Rýslan Ǵabbasov/ - Syrtqy naryqta astyqtyń baǵasy joǵarylaǵanymen, Qazaqstandaǵy nannyń baǵasy ózgermeýi tıis. Bul týraly búgin Úkimet otyrysynda Premer-Mınıstr Kárim Másimov málim etti.
«Azyq-túlik boıynsha, ásirese, nan máselesin árdaıym baqylaýda ustaý kerek. Esterińizge salyńyzdar, 2007 jyldyń kúzinde kútpegen jerden osy másele boıynsha problema týyndaǵan bolatyn. Bundaı jaǵdaılar endi qaıtalanbaýy tıis», - dep atap ótti Úkimet basshysy.
Premer-Mınıstr aldaǵy ýaqytta astyq baǵasy joǵarylaıtynyn aıta kele, astyqtyń syrtqy naryqtaǵy baǵasy qalaı ózgerse de, Qazaqstanda astyq baǵasy bólshek túrinde ózgermeýi tıis ekenin qadap aıtty.
«Mine, osyndaı maqsat qoıylady», - dedi K.Másimov.
«Osy turǵyda bizde tájirıbe bar, bul máseleler 2007-2008 jyldary jaqsy atqarylǵan bolatyn. Osyny qarastyrý kerek», - dep tapsyrdy Premer-Mınıstr orynbasary Ómirzaq Shókeevke.
