Syrtqy keleńsiz faktorlardyń áserine qaramastan, áleýmettik-ekonomıkalyq damýdyń oń úrdisi saqtalyp otyr - S. Ahmetov
Bul týraly búgin bıylǵy 9 aıdaǵy áleýmettik ekonomıkalyq damýdyń jáne bıýdjettiń oryndalýynyń qorytyndylanýyna arnalǵan Úkimet otyrysynda Premer-Mınıstr Serik Ahmetov málim etti.
«Negizgi kapıtalǵa salynǵan ınvestıtsııalardyń kólemi 2012 jyldyń 9 aıynda 3,5 trln. teńgeni qurap, ótken jyldyń osy kezeńimen salystyrǵanda 3,3 paıyzǵa ósti» - dedi S. Ahmetov.
Úkimet basshysynyń sózine qaraǵanda, ınflıatsııa deńgeıin aıqyndaıtyn tutynýshylyq baǵalar ındeksi ótken jylǵy jeltoqsanmen salystyrǵanda bıylǵy qyrkúıekte 103,9 paıyzdy qurady.
«Eldiń áleýmettik ekonomıkalyq damý parametrleriniń qalyptasqan serpini jyl aıaǵyna deıin saqtalady deýge negiz bar», - dedi Premer-Mınıstr.
«Búgin biz aǵymdaǵy jyldyń 9 aıyndaǵy áleýmettik ekonomıkalyq damý men bıýdjettiń oryndalýyn qorytyndylap otyrmyz. Atalǵan kezeń aralyǵynda syrtqy keleńsiz faktorlardyń áserine qaramastan, áleýmettik-ekonomıkalyq damýdyń oń úrdisi saqtalyp otyr», - dep túıindedi Premer-Mınıstr.