Syrtqy ister mınıstrligine jańa resmı ókil keldi
TANA. 10 qazan. QazAqparat /Aıdar Ospanalıev/ - Búgin jýrnalıstermen bolǵan brıfıngtiń aldynda Syrtqy ister mınıstrliginiń Halyqaralyq aqparat komıtetiniń tóraǵasy Roman Vasılenko BAQ ókilderin mınıstrliktiń jańa resmı ókilimen tanystyrdy.
R. Vasılenkonyń aıtýynsha, Syrtqy ister mınıstrliginiń resmı ókili qyzmetin endi Altaı Ábıbýllaev atqaratyn bolady.
«Bul men úshin úlken senim jáne mańyzdy mindet. Sondyqtan da, bolashaqta aqparat quraldarynyń ókilderimen tyǵyz qarym-qatynasta jáne yntymaqtastyqta jumys isteımiz degen oıdamyn»,-dedi A. Ábıbýllaev.
Altaı Ábıbýllaev - 1991 jyly Varshava ýnıversıtetiniń Halyqaralyq qatynastar fakýltetine túsip, ony 1997 jyly bitirgen. Sodan beri Syrtqy ister mınıstrliginde qyzmet etip keledi. Resmı ókil qyzmetin ol osyǵan deıin atqaryp kelgen Syrtqy ister mınıstrliginiń Halyqaralyq aqparat komıteti tóraǵasynyń orynbasary laýzymymen qosa atqaratyn bolady.
Mınıstrliktiń resmı ókili qyzmetin osyǵan deıin atqaryp kelgen Asqar Abdrahmanov basqa jumysqa aýysýyna baılanysty bul qyzmetten bosatyldy.
