Syrtqy ister mınıstrliginde QR Tuńǵysh Prezıdenti kúnine oraılastyrylǵan kitap kórmesi ashyldy (FOTO)

ASTANA. QazAqparat - QR Syrtqy ister mınıstrliginiń ǵımaratynda Qazaqstan Respýblıkasynyń Tuńǵysh Prezıdenti kúnine oraılastyrylǵan kitap kórmesi ashyldy.

Kórmege Qazaqstan Respýblıkasy elshilikteriniń shetelde ár túrli ýaqyt aralyǵynda kóptegen álem tilderinde basyp shyǵarylǵan kitaptary, jýrnaldary men fotomaterıaldary qoıyldy. Bul Qazaqstan Respýblıkasynyń Prezıdenti Nursultan Nazarbaevtyń - qytaı, arab, aǵylshyn, nemis, frantsýz, ıspan, mońǵol tilderindegi, sondaı-aq Táýelsiz Memleketter Dostastyǵy elderiniń tilderindegi eńbekteri.

Táýelsizdik alǵannan beri Memleket basshysynyń eńbekteri álemniń 59 elinde 41 shetel tilde jarııalandy.

Ekspozıtsııanyń edáýir bóligi Qazaqstanǵa, Ult kóshbasshysyna, sondaı-aq onyń elimizdiń qalyptasýy jáne damýyndaǵy róli men mańyzyna arnalǵan. Osy jyly Reseı jáne Ulybrıtanııada jarııalanǵan kitaptar, onyń ishinde «Sozıdatel: Nýrsýltan Nazarbaev. Vzglıad ız Rossıı» (kitapqa aldyńǵy qatarly reseılik pýblıtsısterdiń, sholýshylardyń, halyqaralyq tilshilerdiń ocherkteri, sondaı-aq Nursultan Nazarbaevqa arnalǵan iri saıasatkerlerdiń sózderi men oılary engen), «Po kom zvenıt ıadernyı kolokol?» (jahandyq ıadrolyq qaýipsizdik salasyndaǵy Memleket basshysynyń bastamalary týraly kitap), «Leadership Perspectives» (QR Prezıdentiniń halyqaralyq saıasat, ınstıtýtsıonaldyq reformalar, Qazaqstannyń jańǵyrýy jáne ekonomıkalyq damýy jónindegi ózekti problemalary týraly sózderi men baıandamalarynyń jınaǵy) jáne «Bitimger» (Ýkraınadaǵy qaqtyǵysty retteýge baǵyttalǵan bizdiń Memleket basshymyzdyń qarqyndy qyzmetiniń tikeleı kýágeri bolǵan Qazaqstan Respýblıkasy Prezıdentiniń kómekshisi Nurlan Onjanovtyń kitaby) erekshe qyzyǵýshylyq týǵyzady.

3 jeltoqsanǵa deıin jumys jasaıtyn kórmege barlyǵy 200 kitap qoıylǵan, dep habarlaıdy QR SІM baspasóz qyzmetinen.