Syrtqy ister mınıstrliginde kimder jumys isteıdi
«Syrtqy ister mınıstrliginiń qyzmetkerleri men dıplomatııalyq qyzmet jumyskerleriniń bári de - halyqtyń kóz aldynda. Olardyń jumysy ǵana emes, jeke ómiri de solaı. Jemqorlyq kórinisterine tózimdilik tanytpaý saıasaty qatań saqtalady. Memlekettik qyzmetshilerdiń etıkadan tys áreketteri únemi baqylaýda bolady. Barlyq apparattyq keńester men kezdesýlerde Syrtqy ister mınıstri osyny qyzmetkerlerdiń esine salyp, atalmysh máselege erekshe nazar aýdarady», - dedi Talǵat Jumaǵulov QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń ókilderimen kezdesý barysynda.
Onyń aıtýynsha, SІM qyzmetkerleriniń bári de - zııaly jáne tártipti adamdar.
«Olar eńbek naryǵynda básekege óte qabiletti. Aılyqtaryna kóńili tolmaǵandar transulttyq kompanııalar men halyqaralyq uıymdarda eńbek atqarýǵa ketip qalady. Tájirıbe, til meńgerý jáne bilim olardy básekege asa qabiletti mamandar retinde shyńdaıdy. Munda (SІM-de - avt.) qyzmetkerler saıası jumystarmen aınalysady. Biz aqshamen nemese ózge jemqorlyqqa qatysty faktorlarmen óte sırek betpe-bet kelemiz. Bizdi árdaıym baqylaýda ustaıtyn ishki aýdıt qyzmeti bar. Tekserý qorytyndysy turaqty túrde jarııalanyp turady», - dedi Talǵat Jumaǵulov.
Ol óz sózinde SІM-degi mamandar ár ýaqytta syrtqy saıası vedomstvonyń joǵary talaptaryna saı kelýge tyrysatynyn erekshe atap ótti.
«Bizdi Esep komıteti tekseredi. Árdaıym kóptiń nazarynda júremiz. Qaǵazǵa qol qoıa otyryp, kúni erteń onymyz tekseriletinin de bilemiz. Sondyqtan, barlyq standarttarǵa, talaptarǵa saı bolyp, sizdermen de yntymaqtasa jumys júrgizýge ázirmiz», - dep túıdi QR SІM ókili.
