Syrtqy ister mınıstrligi S. Batyrhanovadan qalǵan sábıdiń múddesin qorǵaý jumystaryn jalǵastyrýda
ASTANA. 7 qazan. QazAqparat. Syrtqy ister mınıstrligi jáne Avstralııada qosymsha ókilettik jasaıtyn Qazaqstannyń Sıngapýrdaǵy Elshiligi Saǵynaı Batyrhanovanyń týystarynyń qoldaýymen azamatshymyzdyń artynda qalǵan sábıdiń zańdy múddesin qorǵaý úshin bar kúsh-júgerdi jumsaýda,
dep habarlaıdy QR Syrtqy ister mınıstrliginiń baspasóz qyzmeti.
Dıplomatııalyq arnalar arqyly Avstralııa úkimetinen tıisti qolǵabys kórsetý týraly 3 qazanda jiberilgen resmı ótinishke qosa memleketimizdiń atalmysh eldegi Qurmetti konsýlynyń múmkindikterin jumyldyrý kózdelýde.
Brısben qalasynda osy máselege qatysty arnaıy is-saparda júrgen Qazaqstan konsýly jergilikti polıtsııanyń jáne sábıge qamqorshylyq kórsetip jatqan áleýmettik qyzmet ókilderimen kezdesip, azamattarymyzdyń zańdy múddelerin qorǵaý amaldary talqylandy.
Kvınslend shtatyndaǵy Balalardy qorǵaý departamentiniń qyzmetkeri balany ákesi nemese anasynyń týystarynyń birine berý máselesi táýelsiz federaldyq sot deńgeıinde sheshilýi tıis ekendigin habarlap, qazirgi tańda sábıge qajetti jaǵdaıdyń jasalǵanyn jetkizdi.
6 qazanda konsýlymyz sábıdiń jaǵdaıy men kóńil-kúıin kórip, balanyń toqtyǵy men amandyǵyna kóz jetkizdi. Atalmysh saýal qazaqstandyq taraptyń qatal baqylaýynda.
Sondaı-aq, S. Batyrhanovanyń denesin elge jetkizý máselesin talqylaý úshin qazaqstandyq konsýl avstralııalyq polıtsııa qyzmetkerlerimen kezdesti. Áńgime barysynda polıtsııa ofıtserinen qylmystyq tergeý jumystarynyń júrgizilip jatqandyǵy jáne qylmysker isi boıynsha ekinshi sot otyrysynyń 5 jeltoqsanǵa josparlanǵany anyqtaldy. Ofıtserdiń málimdeýinshe, tergeý amaldary shamamen 12 aıǵa sozylýy múmkin.
Qazirgi ýaqytta Brısbenniń máıitterdi jerleý bıýrosy marqumdy zańǵa sáıkes atqarylýy tıis sharalardy jasaǵannan keıin kelesi aptanyń ekinshi jartysynda Qazaqstanǵa tasymaldanýy yqtımal.
