Syrtqy ister mınıstrligi Panama Sıtı Bıchte ustalǵandar Qazaqstan azamattary ekendigin rastady

Syrtqy ister mınıstrliginiń resmı ókili Altaı Ábıbýllaevtyń aıtýynsha, bıylǵy jyldyń 12 qańtarynda «Tengrinews» agenttigi Panama Sıtı BıchteQazaqstan azamattary Kamal Jetpisbaev pen Grıgorıı Zosımniń nesıe kartalary arqyly «alaıaqtyq jasady» degen kúdikpen ustalǵandyǵyn jazǵan.

«Atalmysh portaldyń jazýynsha, Panama Sıtı Bıch qalasynyń polıtsııasy 2011 jyldyń 21 jeltoqsanynda áıel azamattyń aryzdanýy boıynsha, onyń bank kartasynyń zańsyz paıdalanylý faktisine baılanysty tekserý jumystaryn bastady. Tekserý barysynda nesıelik kartanyń kómegimen birqatar taýarlardyń satyp alynǵany málim boldy. Al bul taýarlar ustalǵan azamattar turyp jatqan páterge ákelingen.  Tergeýshilerdiń málimetterinshe, alaıaqtar urlanǵan nesıelik kartalardyń kómegimen satyp alǵan taýarlardyń bir bóligin ózderine qaldyryp, qalǵanyn satyp otyrǵan. K.Jetpisbaev pen G.Zosım tergeýge alynǵan soń tutqyndalyp, olarǵa alaıaqtyq jasady degen aıyp taǵylǵan»,-dedi resmı ókil.

Qazaqstan Respýblıkasynyń Konsýldyq bóliminiń derekteri boıynsha, K.Jetpisbaev pen G.Zosımdi Panama Sıtı Bıch qalasynyń polıtsııasy 2012 jyldyń 9 qańtarynda tutqyndady. Tutqyndalǵan azamattardyń Qazaqstan Respýblıkasynyń azamattary ekendigi rastalǵan. Qazirgi tańda Panama Sıtı Bıch qalasynyń tergeý organdary tekserý sharalaryn júzege asyrýda.