Syrtqy ister mınıstrligi Kenesary hannyń basyn izdeý týraly: Basqa da máseleler tolyp jatyr

ASTANA. QazAqparat – QR Syrtqy ister mınıstrliginiń resmı ókili Aıbek Smadııarov Kenesary basyn izdeý jumystary jóninde pikir bildirdi, dep habarlaıdy QazAqparat.

Aptalyq brıfıngte tilshiler resmı ókilge «Syrtqy ister mınıstrligi Kenesarynyń basyn izdeý boıynsha shara qabyldaı ma?» degen suraq qoıyldy.

«Mundaı máselelermen tarıhshylar, tar aýqymdaǵy mamandar aınalysýy kerek. Áıtse de dıplomatııalyq arnalar arqyly bizge de salalyq vedomstvolardan suraqtar kelip túsedi. Tıisinshe, biz olardy reseılik tarapqa jiberemiz. Keıbir reseılik tarap bul bas múldem joq dep te aıtyp júr. Menińshe, tarıhshylar bul máselemen aınalysyp, anyǵyn aıtýy kerek», - dep jaýap berdi A. Smadııarov.

Sonymen birge, tilshiler «Kenesary basyn qaıtarý máselesi saıası joǵary deńgeıde turǵan joq pa?» dep surady.

«Bilesizder me, bizde basqa da máseleler tolyp jatyr. Jumys isteý kerek», - dedi Aıbek Smadııarov.

Osyǵan deıin Syrtqy ister mınıstri Murat Nurtileýdiń Ózbekstanǵa resmı saparmen baratyny habarlandy.