Syrtqy ister mınıstrligi qazaqstandyq ushqyshtardy bosatý máselesi boıynsha Taıland ókimetimen kelissóz júrgizip jatyr
AQTÓBE. Jeltoqsannyń 20-sy. QazAqparat /Qanat Qulshymanov/ - Qazaqstannyń Syrtqy ister mınıstrligi qazaqstandyq ushqyshtardy bosatý máselesi boıynsha Taıland ókimetimen kelissóz júrgizip jatyr. Bul týraly búgin Aqtóbede jýrnalısterge Premer-Mınıstr Kárim Másimov málim etti.
«Qazir Syrtqy ister mınıstrligine tapsyrma berildi jáne dıplomatııalyq arnalar boıynsha Taıland ókimetimen kelissózder júrgizilýde», - dedi K.Másimov.
Budan buryn, jeltoqsannyń 14-inde ótken brıfıngte Azamattyq avıatsııa komıtetiniń tóraǵasy Rádilbek Ádımolda, Taılanda ustalǵan IL-76 ushaǵynyń grýzındik «Air West Georgia» áýe kompanııasyniki ekenin habarlaǵan bolatyn. Ekıpajdyń 5 múshesiniń tórteýi Qazaqstan Respýblıkasynyń azamattary ekeni anyqtaldy. Ushqyshtar qazaqstandyq «Ist-Vıng» áýe kompanııasynyń shtatynda tirkelgen, ustalǵan kezde olar aqysyz demalysta bolǵan.
R.Ádımoldanyń aıtýynsha, olardy grýzındik áýe kompanııasynyń qalaı jaldaǵany týraly vedomstvoda eshqandaı málimet joq. Mundaı jaǵdaı, halyqaralyq tájirıbe jáne IKAO talaptary boıynsha, negizinen, qazaqstandyq zańnamaǵa qaıshy kelmeıdi, deıdi Komıtet tóraǵasy.
«Qazaqstan bizdiń azamattarymyzdyń kinásiz ekenin dáleldeý úshin barlyq sharalardy qabyldaıdy», dedi ol.
