Syrtqy ister mınıstriniń orynbasary «gaz odaǵyn» qurý múmkindigine qatysty pikir bildirdi
«Eýrazııalyq ıntegratsııa – úkimetaralyq jáne memleketaralyq kelisimdermen resimdeletin úkimetaralyq ıntegratsııa. Gaz odaǵyn qurý Reseı jaǵynyń usynysy boldy. Degenmen, bul bastama resimdelmegen. Osy bastama qandaı tártipte júzege asyrylatyny týraly Reseı jaǵynan egjeı-tegjeıli pysyqtalǵan tıisti usynystar túsken joq. Ázirge, bul gaz saýdasynyń keıbir protsesterin biriktirý ıdeıasy ǵana», - dedi A.Aıdarov Parlament Májilisinde tilshiler suraǵyna jaýap bere otyryp.
Osy oraıda ol bul bastamaǵa qatysty naqty sheshim jasalmaǵanyn aıtty.
«Gazǵa qatysty jeke qurylym, uıym nemese memleketaralyq odaq qurý týraly sóz qozǵalmady. Bul turǵyda gaz jetkizý jáne gaz baǵasyna qatysty ıdeıa ǵana usynyldy. Barlyq elde gaz tapshylyǵy baıqalyp otyr. Sondyqtan Reseı jaǵy osyndaı usynyspen shyqty», - dedi mınıstrdiń orynbasary.
Budan buryn habarlanǵandaı, bıyl qarasha aıynda Qazaqstan men Reseı prezıdentteri Kremlde «úshtik gaz odaǵyn» qurý máselesin talqylaǵan bolatyn.
