Syrtqy ister mınıstri Ydyrysov EQYU basshylarymen kezdesedi
ASTANA. QazAqparat - Gambýrgte 57 eldiń syrtqy ister mınıstrleri bas qosty. Munda Eýropadaǵy qaýipsizdik jáne yntymaqtastyq uıymyna múshe elder keńesiniń otyrysy ótip jatyr, dep habarlaıdy «Habar 24».
Qazaqstandyq delegatsııany syrtqy ister mınıstri Erlan Ydyrysov basqaryp bardy. Beıbitshilikti saqtaý jáne áskerı qaqtyǵystardy retteý bul jıynda talqylanǵan basty taqyryp boldy.
Otyrys eki kún boıy jalǵaspaq. Konferentsııa bastalmas buryn Erlan Ydyrysov AQSh-tyń memlekettik hatshysy Djon Kerrı ótkizgen basqosýǵa qatysty. Sondaı-aq Ujymdyq qaýipsizdik týraly shartqa múshe elderdiń mınıstrlerimen birge kún tártibindegi máseleler boıynsha áńgime órbitti. Aldaǵy ýaqytta Ydyrysov Eýropadaǵy qaýipsizdik jáne yntymaqtastyq uıymynyń basshylarymen kezdesedi dep josparlanyp otyr.
