Syrtqy ister mınıstri Koreıa Respýblıkasynyń elshisin qabyldady
NUR-SULTAN. QazAqparat - Qazaqstan Respýblıkasynyń Syrtqy ister mınıstri Beıbit Atamqulov Ońtústik Koreıanyń Prezıdenti Mýn Chje Inniń Qazaqstanǵa jasaıtyn aldaǵy memlekettik saparyna baılanysty Koreıa Respýblıkasynyń Qazaqstandaǵy Elshisi Kım De Sıkti qabyldady. BUl týraly QR Syrtqy ister mınıstrliginiń baspasóz qyzmeti habarlady.
Kezdesý barysynda mınıstr Koreıa Respýblıkasy Prezıdentiniń Qazaqstanǵa memlekettik sapary elderimizdiń arasyndaǵy strategııalyq seriktestiktiń ornaýynyń 10 jyldyǵy qarsańyndaǵy ekijaqty qarym-qatynastardyń mańyzdy oqıǵasy bolatyndyǵyn atap ótti.
Sonymen qatar, taraptar birqatar mańyzdy is-sharalardy, onyń ishinde QR Tuńǵysh Prezıdenti - Elbasy Nursultan Nazarbaev, Qazaqstan Prezıdenti Qasym-Jomart Toqaev jáne QR Premer-Mınıstri Asqar Mamınmen kezdesýlerdi kózdeıtin sapar baǵdarlamasynyń aýqymdylyǵyn atap ótti.
Qazaqstan-Koreıa bıznes-forýmyn uıymdastyrýyna erekshe nazar aýdarylyp, onyń sheńberinde birqatar eki jaqty kommertsııalyq qujattarǵa qol qoıý, sondaı-aq ónerkásip, aýylsharýashylyq, ınfraqurylym, medıtsına jáne tsıfrlandyrý salasyndaǵy birlesken ınvestıtsııalyq jobalar men bastamalardyń kórmesin uıymdastyrý josparlanyp otyr.
Sondaı-aq, ekijaqty qarym-qatynastardyń ózekti máseleleri men Koreı túbegindegi jaǵdaı boıynsha pikir almasty.
Qazaqstan men Koreıa arasyndaǵy dástúrli dostyq qarym-qatynastardy odan ári nyǵaıtýdyń ártúrli aspektilerine, onyń ishinde ózara tıimdi saýda-ekonomıkalyq jáne mádenı-gýmanıtarlyq baılanystardy damytý máselelerine toqtaldy.
Taraptar Qazaqstan men Ońtústik Koreıa arasyndaǵy eki jaqty saýda kóleminiń ósýine erekshe kóńil bóldi, atap aıtqanda taýar aınalymy 2018 jyly 3,9 mlrd. AQSh dollaryn qurady, onyń ishinde Qazaqstannan eksport 2,9 mlrd. dollarǵa, al Ońtústik Koreıadan ımport 922 mln. dollarǵa jetti.
2005 jyldan 2018 jylǵa deıingi kezeńde Ońtústik Koreıadan Qazaqstan ekonomıkasyna tikeleı sheteldik ınvestıtsııalardyń jalpy aǵyny 5 mlrd. AQSh dollaryn qurady. Búgingi kúni Qazaqstanda Ońtústik Koreıa kapıtaly bar 500-ge jýyq kompanııa jumys isteıdi. Sońǵy jyldary Hyundai, LG, Samsung, Lotte Confectionery, SK, Dongil Highvill sııaqty kompanııalar Qazaqstanda tabysty jumys atqarýda.
