Syrtqy ister mınıstri «Qazaqstan - Uly Dala Eli» mobıldi qosymshasyn tanystyrdy
ASTANA. QazAqparat - 20 maýsym kúni QR Syrtqy ister mınıstri Erlan Ydyrysov halyqqa esep berý kezdesýinde «Qazaqstan - Uly Dala Eli» sandyq tehnologııalar salasyndaǵy jańa týyndyny tanystyrdy, dep habarlady QR SІM baspasóz qyzmetinen.
Sandyq qosymshany tanystyrǵan Erlan Ydyrysov jańa ónim QR Syrtqy ister mınıstrligi atqarǵan aqparattyq-ımıdjdik jumystyń naqty jemisi jáne Bes ınstıtýtsıonaldy reformalar aıasynda atqarylatyn «100 naqty qadam» Ult Jospary sheńberindegi 87-shi «qadamdy» júzege asyrýǵa qosylǵan eleýli úles ekenin aıtty.
«Qazaqstan - Uly Dala Eli» qosymshasy, zamanaýı jáne ınteraktıvti úlgide elimiz týraly jan-jaqty aqparatpen qoljetimdi tanysý múmkindigin qamtamasyz etý úshin ázirlengen bolatyn.
Mınıstrdiń aıtýynsha, bul qosymsha - Qazaqstan týraly biregeı keshendi aqparat jınalǵan, sandyq tehnologııalar salasyndaǵy alǵashqy ónimderdiń biri.
Qosymshada buǵan deıin esh jerde jaryq kórmegen eksklıýzıvti kóptegen fotosýret pen beınematerıaldar bar.
Qosymsha «Windows», «Apple», «Android» júıelerine negizdelgen qurylǵylardyń barlyq túrleri (uıaly telefondar, planshetter, noýtbýkter, kompıýterler) úshin jasalǵan. Veb-saıt úlgisindegi nusqasy da bar.
«Ónimdi jasaýǵa bir top jergilikti jáne sheteldik mamandar jumyldyrylǵan, olardyń ishinde jýrnalıster, fotograftar, vıdeooperatorlar, dızaınerler, programmıster, jalpy - 80 adam men 33 memlekettik jáne jeke uıym», - delingen habarlamada.
Qosymshany AppStore jáne Play Market arqyly júkteýge bolady. Ol úshin izdeý jolaǵyna - Kazakhstan Land of the Great Steppe sózin engizý qajet.
