Syrtqy ister mınıstri E. Ydyrysov 2015 jyldyń josparlaryn bekitti
ASTANA. QazAqparat - Syrtqy ister mınıstri Erlan Ydyrysov syrtqy saıası mekemeniń basshylyǵymen jumys otyrysyn ótkizdi.
Bul týraly QR SІM feısbýktegi paraqshasynda habarlady.
Mınıstr 2015 jyldyń elimiz úshin erekshe jyl bolatynyn jáne bıyl birneshe mereıtoılyq oqıǵalar, atap aıtqanda, qazaq memlekettiliginiń 550 jyldyǵy, Qazaqstan Respýblıkasy Ata Zańynyń 20 jyldyǵy jáne Qazaqstan halqy Assambleıasynyń qurylýyna 20 jyl tolýy atap ótiletinin aıtty. Sonymen qatar, Uly Otan soǵysyndaǵy Jeńistiń 70 jyldyǵynyń Qazaqstan úshin mańyzy erekshe. Odan basqa, 2015 jyly Birikken Ulttar Uıymy 70 jyldyǵyn toılap, EQYU qurylýyna ákelgen Eýropadaǵy qaýipsizdik jáne yntymaqtastyq jónindegi Keńestiń Helsınktik qorytyndy aktisine qol qoıylǵanynyń 40 jyldyǵy atap ótiledi.
E. Ydyrysov Qazaqstannyń 2015 jyly Táýelsiz memleketter dostastyǵynda jáne Túrkitildes memleketter yntymaqtastyǵynyń keńesinde tóraǵalyq etý aıasynda jumystyń jeke baǵyttaryn aıqyndady.
Jahandy suhbattar úshin alańǵa aınalǵan forýmdardy - Álemdik jáne dástúrli dinder kóshbasshylarynyń 5-shi sezin (maýsym), Eýrazııalyq medıaforýmyn (sáýir), Astanalyq ekonomıkalyq forýmy jáne Daǵdarysqa qarsy dúnıejúzi konferentsııasyn (mamyr) uıymdastyrýǵa qolǵabys kórsetý jumysynyń mańyzdylyǵy atap ótildi.
Hatshylyǵy Astanada ornalasatyn Islam yntymaqtastyq uıymy azyq-túlik qaýipsizdigi jónindegi Islam uıymyn damytý máselesine erekshe kóńil bólindi. Jaqyn arada atalǵan uıymnyń jarǵysyna Birikken Arab Ámirlikteri qol qoıyp, uıym múshesine aınaldy.
Jalpy óńir úshin jáne jeke Qazaqstan úshin bul uıym qurylýynyń mańyzy zor. Ol qajetti jedel jáne gýmanıtarlyq kómek kórsetý, sonyń ishinde azyq-túlik qaýipsizdik qorlaryn qurý máselelerimen aınalysady dep kútilýde. Sonymen qatar, uıymnyń iske qosylýy qazaqstandyq astyqty jáne ózge azyq-túlik túrlerin IYU múşe memleketterine jetkizýge, Qazaqstanda jáne ózge elderde iri ınvestıtsııalyq jáne ınfraqurylymdyq jobalardy júzege asyrýǵa jol ashady dep kútilýde.
Mınıstr Qazaqstannyń sheteldik áriptestermen Úkimetaralyq komıssııalardyń jumysyn júıelendirý boıynsha úderisterdi atap ótti.
Sondaı-aq, E.Ydyrysov Syrtqy ister mınıstrligimen atqaryp otyrǵan negizgi uzaq merzimdi syrtqy saıası bastamalar boıynsha bir izdi jumystyń mańyzdylyǵyn atap ótti. Munda Qazaqstannyń 2017-2018 jyldarǵa BUU Qaýipsizdik Keńesine turaqty emes músheligine kandıdatýrasyn ilgerileý, «EKSPO-2017» halyqaralyq mamandandyrylǵan kórmesin ótkizýge daıyndyq jumystary, «KazAID» resmı damý kómegi mehanızmin iske qosý jáne Almatyda BUU kópjaqty dıplomatııa habyn qurý máseleleri týraly aıtylýda.
Mınıstr qurlyqtyń iri uıymdary - Eýropalyq odaq pen Eýrazııalyq ekonomıkalyq odaq arasynda «kópir júrgizý» jumysyna erekshe nazar aýdardy. Bul 2015 jylǵy 1 qańtardan bastap Eýrazııalyq Ekonomıkalyq Odaq týraly Kelisimniń kúshine enýinen bastap ózekti máselege aınaldy.
Sonymen qosa, ekijaqty formatta da, jáne Qazaqstannyń Birikken Ulttar Uıymy (BUU), Eýropadaǵy qaýipsizdik jáne yntymaqtastyq uıymy (EQYU), Azııadaǵy ózara yqpaldastyq jáne senim sharalary uıymy (AÓSShK), Shanhaı yntymaqtastyq uıymy (ShYU), Islam yntymaqtastyq uıymy (IYU), Aýǵanstan boıynsha Ystambul úderisi jáne basqa da aımaqtyq jáne halyqaralyq uıymdar men forýmdardaǵy elimizdiń basshylyǵymen ótetin halyqaralyq is-sharalar kestesi qarastyryldy.
