Syrtqy ister mınıstri birqatar elshimen kezdesti
ASTANA. QazAqparat - Syrtqy ister mınıstri Beıbit Atamqulovtyń Qazaqstanda tirkelgen TMD-ǵa múshe memleketterdiń jáne Grýzııa dıplomatııalyq ókildikteriniń basshylarymen jumys kezdesýi ótti. Bul týraly QazAqparat SІM baspasóz qyzmetine silteme jasap habarlaıdy.
Kezdesýge Belarýs Elshisi Anatolıı Nıchkasov, Reseı Elshisi Alekseı Borodavkın, Ýkraına Elshisi Ivan Kýleba, Ózbekstan Elshisi Saıdıkram Nııazhodjaev, Qyrǵyzstan Elshisi Jeenbek Kýlýbaev, Tájikstan Elshisi Haırýllo Ibodzoda, Túrikmenstan Elshisi Toıly Komekov, Ázerbaıjan Elshisi Rashad Mammadov, Armenııa Elshisi Gagık Galachıan, Grýzııa Elshisi Zýrab Abashıdze qatysty.
Mınıstr atalǵan memlekettermen jan-jaqty qatynastardy damytý Qazaqstannyń syrtqy saıasatynyń basty basymdyqtarynyń qataryna kiretinin atap ótti. Senimdi jáne konstrýktıvti ózara is-qımyldyń jolǵa qoıylǵan deńgeıi yntymaqtastyqtyń jańa kókjıegin ashýǵa múmkindik beretini atap ótildi.
«Bizge saýda-ekonomıkalyq yntymaqtastyq spektrin keńeıtý úshin elderimizdiń geografııalyq jaqyndyǵyn jáne óńirdiń kóliktik-logıstıkalyq múmkindikterin, sondaı-aq qajetti taýarlar men aýylsharýashylyq ónimderin óndirýdegi birlesken kooperatsııany barynsha paıdalaný qajet», - dedi SІM basshysy.
Elshiler óz sózderinde Qazaqstan Prezıdenti Nursultan Nazarbaevtyń memleketter arasyndaǵy shynaıy dostyq qarym-qatynastardy ornatýdaǵy jasampazdyq rólin jáne oǵan tarıhı qalyptasqan tatý kórshilik dástúrge aınalǵan, bizdiń elderimizdiń basshylary arasynda shynaıy dıalogqa yqpal etetin atap ótti.
Saıası, saýda-ekonomıkalyq jáne mádenı-gýmanıtarlyq yntymaqtastyqty odan ári nyǵaıtý maqsatynda birlesken jumystyń joǵary qarqynyn qoldaý qajettiligi aıtyldy.
Kezdesý barysynda ótken jylǵy jumystyń qorytyndylary shyǵarylyp, syrtqy ekonomıkalyq jáne ınvestıtsııalyq baılanystardy nyǵaıtýǵa basa nazar aýdara otyryp, aldaǵy perspektıvaǵa arnalǵan josparlar belgilenip, kópjaqty ózara is-qımyldy tereńdetý jónindegi basymdyqtar aıqyndaldy.
Óńirlik jáne ıntegratsııalyq máselelerdi qaraý sheńberinde B.Atamqulov Ortalyq Azııadaǵy memleketaralyq qatynastardy nyǵaıtý men jandandyrýdy oń sıpattap, TMD, Eýrazııa ekonomıkalyq odaq, Ujymdyq qaýipsizdik týraly shart uıymy sııaqty ıntegratsııalyq qurylymdardyń mańyzdy róli atap ótildi.
