Syrtqy hám ishki faktorlardy qarsy «100 naqty qadam» Ult josparynyń septigi mol - Z. Qabyldınov
Búgin QR Prezıdenti janyndaǵy Ortalyq kommýnıkatsııalar qyzmetinde ótken baspasóz máslıhatynda «Halyqtar kelisimi» qoǵamdyq qorynyń dırektory, Ulttyq kongrestiń ǵalym hatshysy Zııabek Qabyldınov osylaı aıtty.
Sarapshynyń sózine qaraǵanda, Elbasynyń halyqqa arnaǵan bes ınstıtýtsıonaldyq reformasynda qoǵam men eldiń aldyndaǵy máselelerdi sheshýdiń baǵyt-baǵdary aıqyndaldy. «100 naqty qadamda» ondaı baǵdardy oryndaý joldary kórsetilip otyr. Soǵan oraı, Zııabek Qabyldınov qoǵamda qalyptasqan máselelerdiń bári Elbasy aı qyndaǵan «100 qadamnyń» arqasynda sheshiletinine senimdi ekenin jetkizdi.
«Bul rette Qazaqstandy ultaralyq kelisim saqtalǵan memleket retinde kórsetetin birinshi faktor bul Qazaqstan Prezıdenti Nursultan Nazarbaevtyń saýatty saıasaty, ıaǵnı bul - prezıdenttik faktor. Memleket basshysy óziniń aıqyndaǵan saıasaty arqasynda Qazaqstandy eń tolerantty, ashyq ári qonaqjaı memleket retinde tanytady. Búgingi Qazaqstan álem úshin - ultaralyq kelisim men tatýlyq eli», - dep atap ótti Z. Qabyldınov.
Sonymen qatar, sarapshy búgingi álemdik ózgeristerge toqtala kele, ondaı syrtqy qaterlerge qarsy turarlyq kúsh - el bolyp ortaq iske jumylý ekenin jetkizdi. «Biz Elbasy aıqyndaǵan maqsat-mindetterdi oryndaýǵa kúshimizdi aıamaýǵa tıispiz. Búgingi álemde ekonomıkalyq daǵdarys beleń alyp, alyp memleketter bir-birine sanktsııa jarııalap jatyr. Al bundaı jaǵdaıda ishki problemalardy jáne álemde oryn alyp otyrǵan oqıǵanyń saldaryn sheshýge «100 naqty qadam» Ult jospary óz septigin tıgize alady», - dedi sarapshy.
