Syrtqy faktorlarǵa táýeldi bolmas úshin shaǵyn bıznesti damytý qajet - Baqytjan Sárkeev
ASTANA. QazAqparat - Syrtqy faktorlarǵa táýeldi bolmaý úshin ekonomıkadaǵy shaǵyn jáne orta bıznes úlesin 50%-ten asyrý qajet. Bul pikirdi QR Strategııalyq bastamalar ortalyǵynyń (CSI) jobalar jónindegi dırektory Baqytjan Sárkeev Astana ákimdigindegi kezdesýde aıtty.
«Astana qalasy shaǵyn jáne orta bıznesi damytý boıynsha kósh bastap tur. Áıtse de, bıznestiń úlesi áli de az. Nege únemi rýbldiń quldyraýyna, dollardyń qymbattaýyna táýeldimiz? Nege syrtqy saıasatqa baǵynyshty bolyp otyrmyz? Munyń barlyǵy ekonomıkamyzdyń turaqsyzdyǵyn kórsetedi. Al turaqty eknomıka bolýy úshin turaqty bıznes kerek. Ekonomıkadaǵy shaǵyn jáne orta bıznestiń úlesi 50% jetken kezde ǵana ekonomıkamyz turaqtanady. Al qazir respýblıka boıynsha bul kórsetkish bar bolǵany 27% qurap otyr. Astana qalasy boıynsha ekonomıkadaǵy ShOB úlesi 45%, bul kórsetkishti arttyra túsý qajet», - dedi B. Sárkeev «Básekege qabiletti bıznes - básekege qabiletti ekonomıka» kezdesýinde .
Onyń pikirinshe, elordada óńdeýshi ónerkásip salasynda barynsha kóbirek ShOB paıda bolsa, qala ózin-ózi tolyǵymen qamtamasyz ete alady.
«Respýblıka boıynsha alyp qarasaq, shaǵyn jáne orta bıznestiń 23% qurylys salasynda, 20% saýda salasynda jumys jasaıdy. ıAǵnı, jartysyna jýyǵy ne qurylyspen, ne saýdamen aınalysyp jatyr. Nebári 13,4% ǵana óńdeý ónerkásibi salasynda júr. Bizge dál osy óńdeý ónerkásibi salasyndaǵy shaǵyn jáne orta bıznestiń sanyn arttyrý qajet. Sebebi, biz únemi ımportqa táýeldi bolmaımyz», - dedi CSI dırektory.
CSI ókiliniń aıtýynsha, respýblıka boıynsha eksportqa shyǵarylatyn taýarlardyń 90% munaı men metall bolsa, ımporttalatyn taýarlardyń 70% - óńdeý ónerkásibi taýarlaryna tıesili.
