Syrt kelbeti qarııaǵa uqsas qyz 15 jasqa toldy (FOTO)
ASTANA. QazAqparat - Erte qartaıǵan kolýmbııalyq qyz Magalı Gonsales Serra óziniń 15 jasqa tolǵanyn toılady, dep jazdy medikforum.ru. Dárigerler ol tek 13 jyl ǵana ómir súredi dep boljaǵan. Sondyqtan bul merekeni ol dostary men týystarynyń ortasynda atap ótti.
Kolýmbııalyq qyz Hatchınson-Gılford progerııa sındromynan (teriniń merziminen buryn qartaıý sındromy) zardap shegedi. Erte qartaıýǵa áser etetin bul aýytqýshylyq álemde birneshe balada ǵana kezdesedi. Magalıdiń ata-anasy tańdardyń birinde qyzy oıanbaıdy dep alańdaıdy.
Ózdiginen júre almasa da Magalı 15-shi týǵan kúnin toılaý arqyly dárigerlerdi tań qaldyrdy. Latyn Amerıkasynda bul merekeni quinceanera dep ataıdy. Ol múshel jas sııaqty aýqymdy toılanady. Magalıdi hanshaıym sııaqty kıindirip, týǵan kúnine syılyq retinde týystary kádimgi toı uıymdastyrdy. 
