Syrqatynan aıyqqan Hıları Klınton jumysqa qaıta kiristi
ASTANA. 7 qańtar. QazAqparat - Syrqatynan aıyqqan AQSh Memlekettik hatshysy Hıları Klınton dúısenbi kúni jumysqa shyqpaq.
Bul týraly Reseı Jańalyqtar agenttigi habarlady.
«Memlekettik hatshy óziniń orynbasarlarymen memlekettik departamentte kezdesýler ótkizedi. Olar jergilikti ýaqyt boıynsha 09.15-te bastalady», - delingen memdepartamenttiń taratqan habarlamasynda.
2012 jyldyń jeltoqsan aıynda Klınton esten taný nátıjesinde bas súıeginiń aýmaǵynda paıda bolǵan trombqa baılanysty aýrýhanaǵa jatqyzylǵan bolatyn. Medıkter uıyǵan qandy qaýipsiz jáne ol ınsýltke nemese ózge de nevrologııalyq aqaýlarǵa alyp kelmeıdi dep sheshti. Klıntonǵa qandy suıyltatyn arnaıy dáriler berildi. Óz úıinde jáne aýrýhana bólmesinde jumys istep kelgen memlekettik hatshy ótken aptada úıine jiberildi.
