Syrqaty janyna batqan adamdarǵa jaıly jaınamaz paıda boldy
ASTANA. 6 tamyz. QazAqparat - Germanııada turatyn elýdi eńsergen túrik ónertapqyshy Adnan Pırısan tizege túsetin kúshti azaıtatyn jaınamaz oılap tapty. Buǵan býynyn syrqyraıtyny sebep bolǵan eken.
Bir kórgende, kádimgi jaınamazdan esh aıyrmashylyǵy joq. Alaıda, ol soqqyny azaıtatyn qasıetke ıe ekenin aıta ketý kerek.
Dese de, ol erekshe jaınamazdyń qalaı jasalǵanyn qupııa ustap otyr.
«Men patentimdi 2009 jyly alǵanmyn. Sodan beri Túrkııanyń úsh qalasynda osyndaı jaınamazdardy kóptep shyǵara bastadyq. Jylyna shamamen 3000 jaınamaz satylady»», - dedi ol.
Muslim.kz saıtynyń jazýynsha, ortopedııalyq jaınamaz búkteýge de keledi nemese shaǵyn qol sómkege aınaldyryp ta ózińmen birge alyp júrýge bolady. Ony ǵalamtor arqyly satyp alýǵa bolady. Al osynaý aıryqsha qasıeti bar jaınamazdyń Germanııada, Túrkııada, Kýveıtte jáne Dýbaıda arnaıy saýda oryndarynda satylatynyn kaperlerińizge sala ketkimiz keledi.
Osy ýaqytqa deıin bul jaınamaz Sıngapýr men AQSh elderinde saýdaǵa shyǵarylyp, ónertapqyshqa qomaqty tabys ákelgenin de aıta ketý kerek.
Dese de, mundaı jaınamazdyń paıda bolýy jańalyq emes. Kanadalyq Timez5 kompanııasy adam tánine de, janyna da jaıly osyndaı jaınamazdy jasap shyǵarǵan edi.
Atalmysh kompanııanyń ónimi býynnyń syrqyraǵanyn basyp, qan aınalymyn jaqsartady.
