Syrǵanaqtan qulap, omyrtqasy synǵan bala jansaqtaý bólimine tústi
KÓKShETAÝ. QazAqparat - Aqmola oblysynyń Shortandy aýdanynda bıik syrǵanaqtan qulaǵan oıyn balasy mertigip, aýrhana tústi, dep habarlaıdy QazAqparat tilshisi.
Aqmola oblystyq densaýlyq saqtaý basqarmasynyń habarlaýynsha, oqys oqıǵa Novokýbanka aýylynda bolǵan. Qar tómpeshikten syrǵanap júrgen 7 jasar ul bala abaısyzda aýyr jaraqat alyp, aýdandyq aýrýhanasyna jatqyzylǵan. Keıin sanavıatsııamen Aqmola oblystyq balalar aýrhanasyna jetkizildi. Qazirgi kezde, dárigerler balanyń jaǵdaıy aýyr, turaqty dep otyr.
«Bala bas mıyna qatty soqqy alǵan. Oǵan qosa, úshinshi moıyn omyrtqasy synǵan jáne denesiniń birneshe jerinen jaraqat alǵan degen dıagnoz qoıyldy. Qazirgi kezde, balanyń moınyna shans jaǵasy men shına qoıyldy. Oblystyq aýrhana dárigerleri naýqastyń jaǵdaıyn aýyr, turaqty dep baǵalap otyr», - delingen baspasóz habarlamasynda.
