«Syrǵalym» telehıkaıasynyń jalǵasy búginnen bastap kórsetiledi
ASTANA. QAzAqparat - Búgin, 3 naýryzda kórermenniń kózaıymyna aınalǵan «Syrǵalym» serıalynyń jalǵasy «Qazaqstan» telearnasynan kórsetile bastaıdy.
«Syrǵalym» - «Qazaqstan» Respýblıkalyq teleradıokorporatsııasynyń tapsyrysy boıynsha túsirilgen otandyq telehıkaıa. Ol ákesiniń eski dosynyń qyzyn óz otbasylaryna qabyldaǵan zamanaýı qazaq otbasynyń ómiri týraly syr shertedi. Negizgi áreket bank keńsesinde órbıdi: bas keıipker, bir jaǵynan, mansabyna jetý úshin eńbek jolyn bastasa, ekinshi jaǵynan, otbasyn saqtap qalýǵa bar kúsh- jigerin salady.
Bas keıipkerdiń rólin aktrısa Juldyz Mahanova somdaıdy. Sıýjetke sáıkes kórermender telehıkaıanyń kelesi bólimderinde teatr jáne kıno akterleri Lıdııa Kadenova, Sáken Raqyshevtar somdaǵan jańa keıipkerlermen tanysady, shytyrman sıýjetke tán aram oılar, kúrdeli jeke tulǵalyq qatynastar men qupııalar osy telehıkaıada toǵysqan.
Qoıýshy-rejısseri, stsenarıı avtory Rashıd Súleımenov «Syrǵalym» telehıkaıasyn jasaýshylar ıdeologııa faktoryna kóp mán bergenin atap ótti.
«Árıne, oıyn-saýyq nysanynyń astarynan ıdeologııa aspektisi baıqalmaıdy, biraq bizdiń nıetimiz de osy, sebebi bizdiń serıal tereń ıdeologııalyq qundylyqtarmen bastalady. Bul qala men aýyldyń baılanysy, etnosty shoǵyrlandyrý, al basty mindetterdiń biri qazaq tilin damytý bolyp tabylady. Kóptegen til mamandary, qoǵam qaıratkerleri telehıkaıadaǵy qazaq tiliniń joǵary deńgeıin atap ótti. Biz úshin bul úlken maqtanysh»,- deıdi rejısser.
Telehıkaıada tabıǵatta túsirý boljanbaǵanymen, bul fakt onyń tartymdylyǵyna áser etpeıdi. Ekinshi maýsymda 1000 kv.m. aýdanda ornalasqan táýelsiz Qazaqstannyń serıal tarıhyndaǵy eń qymbat dekoratsııalar paıdalanyldy. Birinshi maýsymdy tamashalaǵan kórermender ekinshi maýsymnan tanys pavılondy kóre almaıdy. Barlyq dekoratsııalar qaıtadan jasaldy.
Telehıkaıa orys tilindegi ilespeli júgirtpe joldar arqyly qazaq tildi jáne orys tildi aýdıtorııaǵa da teń dárejede qoljetimdi bolady.
2014 jyldyń basynda kórsetilgen «Syrǵalym» telehıkaıasynyń birinshi bólimi kún saıyn mıllıonǵa jýyq kórermender aýdıtorııasyn jınaǵan bolatyn. Telenovella respýblıka tarıhynda talap etilgen telehıkaıalardyń tizimine endi. Alǵash ret qazaq tilindegi ónim orys tilindegi reıtıngtik telehıkaıalar men baǵdarlamalarǵa básekeles bola aldy. Ótken maýsymdaǵy 48 serııalyq «Syrǵalym» qazaqstandyq televızııadaǵy eleýli oqıǵa boldy.
Telehıkaıa «2014 jylǵy úzdik telehıkaıa» nomınatsııasyn ıelense, bas róldi somdaǵan aktrısa Juldyz Mahanova «2014 jylǵy Úzdik aktrısa» atandy.
«Syrǵalym» telehıkaıasynyń ekinshi maýsymy «Qazaqstan» telearnasynyń efırinen 3 naýryz kúni saǵat 21.50-de kórsetile bastaıdy.
