«Syrǵalym» telehıkaıasynyń ekinshi maýsymy kórermenderge jol tartpaq
ASTANA. QazAqparat - Almatyda Ulttyq arna efırinen kórsetilip, elimizde eń kóp kórermen jınaǵan «Syrǵalym» telehıkaıasynyń akterlerimen jáne ony túsirýshi mamandarmen kezdesý ótti.
48 bólimnen turatyn otandyq kıno ónimi Qazaqstannyń kórermeni eń kóp telehıkaıasyna aınaldy. Ony kúndelikti úzdiksiz tamashalaıtyn aýdıtorııa sany mıllıon adamnan asty, dep habarlaıdy kaztrk.kz.
Aǵymdaǵy jyly otbasy qundylyqtaryn nasıhattaýdy maqsat etken telehıkaıanyń ekinshi maýsymy - jańa 32 bólimi túsirilmek. Bul týraly fılmniń rejısseri men bas prodıýseri málimdedi. Eger birinshi maýsymda qaımaǵy buzylmaǵan qazaq aýyly dáriptelip, otbasy máseleleri kóterilse, ekinshi maýsymda qoǵamdaǵy áleýmettik qaıshylyqtar qamtylyp, basty keıipker alǵa qoıǵan maqsattaryna qol jetkizedi.
«Bul telehıkaıada róldi kásibı akterlermen birge somdadyq. Ár akterdiń ózindik oı-pikiri bolady. Bizdi túzetip te jatady, durys oınamasaq, aıtyp otyrady. Bul akterlyq mektep boldy dep sanaımyn», - deıdi fılmdegi basty róldi somdaǵan aktrısa Juldyz Mahanova.
Sonymen qatar kezdesý barysynda qazaqstandyq kınematografııanyń damýyna qatysty ózekti máseleler de qozǵaldy.
