«Syrǵalym» serıalynyń jalǵasy shyǵady
ASTANA. QazAqparat - "Qazaqstan" ulttyq arnasy kórsetken "Syrǵalym" serıalynyń ekinshi maýsymy shyǵatyn boldy. Bul týraly Almatyda "Meloman" dúkeninde ótken arnaıy baspasóz konferentsııasynda málimdeldi, dep habarlaıdy kinostan.kz.
Telehıkaıanyń óndirisimen aınalysqan "Kórkem fılm" kınokompanııasynyń prodıýseri Ilhom Djalılovtyń aıtýynsha, joba barysynda qazaq tiliniń tazalyǵyna erekshe kóńil bólingen: "Árıne, bizdiń serıal qazaq tilin biletin kórermenderge arnalǵan. Biz ózimizdiń keıipkerler arqyly qazaq tilinde qalaı durys jáne ádemi sóıleýdi kórsetemiz. Túsirý alańynda lıngvıst jumys isteıdi, ol akterlerdiń durys sóıleýin qadaǵalaıdy. Bizdiń tapsyrysshymyz - "Qazaqstan" telearnasy qazaq tiliniń qoldanylýyna basa mán beredi, buny biz qoldaımyz", - dedi prodıýser. Birinshi maýsym orys tiline aýdarylypty. Aýdarylǵan nusqasy telearnadan qaıtalanyp kórsetiledi. Eske sala ketelik, alǵashqy maýsymda ákesiniń qaladaǵy dosynyń shańyraǵyna aýyldan kelgen qyz týraly baıandalǵan bolatyn. Ekinshisinde osy Syrǵalymnyń úlken qaladaǵy eńbek joly kórsetilmek. 38 serııadan turatyn "Syrǵalym 2" efırge birinshi maýsymnyń orys tilindegi nusqasy kórsetilip bolǵannan keıin shyǵady.
