«Syrǵalym» hıkaıasynyń DVD-basylymy jaryq kórdi
ALMATY. QazAqparat - Búgin Almatyda «Meloman» dúkeniniń úlken zalynda jappaı satýǵa arnalǵan «Syrǵalym» serıalynyń resmı DVD-basylymynyń tusaýkeseri ótti.
«Syrǵalym» telehıkaıasyn «Qazaqstan» teleradıokorporatsııasynyń tapsyrysy boıynsha «Kórkem fılm» kınokompanııasy túsirgen.
«Syrǵalym» telehıkaıasy «Qazaqstan» telearnasynyń efırinen alǵash ret 2014 jyly kórsetildi. Hıkaıa qysqa merzim ishinde mıllıonnan astam kórermen jınap, respýblıka tarıhyndaǵy sapasy joǵary teleónimderdiń qataryna qosyldy. Qazaq tilinde túsirilgen hıkaıa joǵary reıtıngti shetel telenovellalary men baǵdarlamalaryna básekeles bola aldy», - dedi qoıýshy-rejısser Rashıd Súleımenov.
«Syrǵalym» hıkaıasy «Jyl tańdaýy» konkýrsynda «2014 jyldyń úzdik serıaly» ataǵyn alsa, bas róldi somdaǵan Juldyz Mahanova «2014 jyldyń Úzdik aktrısasy» atandy.
