Syrdarııanyń sol jaǵalaýynan jańa aýdan paıdalanýǵa beriledi
ASTANA. QazAqparat - Bıyl Qyzylorda qalasynyń 200 jyldyq mereıtoıy keńinen atalyp ótilmek. Aıtýly dataǵa oraı, qazirgi tańda merekelik sharalardyń baǵdarlamasy ázirlenip, qyzý daıyndyq jumystary júrgizilip jatyr.
Shahar turǵyndary úshin basty tosynsyı - Syrdarııa ózeniniń sol jaǵalaýynan jańa aýdan paıdalanýǵa beriletindigi.
Búgingi kúni Syrdarııa ózeniniń sol jaǵalaýyndaǵy qurylys jumystary qarqyndy júrgizilýde. Mereıli mereke qarsańynda munda 5 qabatty 18 turǵyn úı qyzylordalyqtarǵa tabystalatyn bolady. Sondaı-aq, «Qazaq Ortalyq Atqarý komıteti» murajaıynyń ǵımaraty da boı kóterip, halyqtyń rýhanı turǵyda jańǵyrýyna septigin tıgizedi. Kishkentaı búldirshinderge arnalǵan 320 oryndyq balabaqshanyń qurylys jumystary da kúzge deıin aıaqtalmaq. Jańa aýdanda jastar ortalyǵy men «Bolashaq» ýnıversıtetiniń stýdentter qalashyǵy da ornalasady. Qurylys jumystarynyń sapaly júrgizilýin mamandar qatań baqylaýǵa alǵan.
«Atalǵan nysandardyń qurylysy ótken jyly bastalǵan bolatyn. Shahar merekesinde tolyqtaı aıaqtalady. Qurylys alańynda jumys bir kúnge de toqtap jatqan joq. Qurylysshylarǵa zor jaýapkershilik júktep otyrmyz. Bıylǵy jyly respýblıkalyq bıýdjet esebinen 320 oryndyq balabaqsha men 60 oryndyq mekteptiń qurylysyn bastaýdy kózdep otyrmyz. Sondaı-aq memlekettik - jekeshelik áriptestik aıasynda 500 kelýshige arnalǵan emhana salý josparda bar», - dep málimdedi Qyzylorda qalalyq ishki saıasat bólimi.
