Syrdarııanyń Qyzylorda tusynda seń júre bastady
QYZYLORDA. QazAqparat - Syrdarııanyń Qyzylorda oblysy aýmaǵyndaǵy bóliginde seń júrip jatyr. Bul jóninde oblystyq jumyldyrý daıyndyǵy jónindegi basqarmasy málim etti, dep habarlaıdy QazAqparat tilshisi.
Darııadaǵy eń qalyń muz Qazaly, Aral aýdandarynda baıqalyp otyr. Ol aýmaqtarda muzdyń qalyńdyǵy 35-70 santımetr shamasynda. Al oblystyń ońtústiginde oryn tepken Jańaqorǵan, Shıeli aýmaǵyndaǵy darııa boıynda muz múldem joq. Ol Syrdarııa, Jalaǵash, Qarmaqshyda 25-40 santımetrge jýyqtaıdy.
Al oblys ortalyǵy - Qyzylorda qalasy mańyndaǵy «KOPES» saıajaıy tusynda, Qyzylorda sý torabynan 10 shaqyrym joǵaryda seń júrýde. Muzdyń qalyńdyǵy 10-15 santımetr. Al Syrdarııa ózeninen sekýndyna 245 tekshemetr sý ótýde. Qazirgi tańda Syrdarııa ózenindegi sý deńgeıi birqalypty.
«Degenmen sý basý aýmaǵynda ornalasqan saıajaı turǵyndary men sharýashylyq ıeleri qaýipsizdik sharalaryn saqtaǵanyjón. Ákimdik pen Tótenshe jaǵdaı departamenti tarapynan eskertý alǵan jaǵdaıda ýaqytsha kóshý máselelerin (evakýatsııalyq pýnktke) qarastyrǵany durys», - deıdi jumyldyrý daıyndyǵy basqarmasynyń mamandary.
Ádilet QAŃTARBAEV
