Syrdarııanyń boıyndaǵy búkil gıroqurylystar avtomattandyrylady

NUR-SULTAN. QazAqparat – Ortalyq Azııadaǵy sý balansyn ádil retteý úshin Syrdarııanyń boıyndaǵy gıdroqurylystar túgel avtomattandyrylady. Bul týraly QR Ekologııa, geologııa jána tabıǵı resýrstar mınıstri Serikqalı Brekeshev Májilis qabylǵasyndaǵy parlamenttik tyńdaýda aıtty, dep habarlaıdy QazAqparat tilshisi.

«Aral-Syrdarııa basseıni boıynsha, Ortalyq Azııanyń sý retteý konsortsıýmyn qurý jumysy júrip jatyr. Bul joba búkil elderdiń múddesin saqtap, energetıka, sýarmaly eginshilik jáne Aral ekologııalyq máselesin tıimdi sheshýge baǵyttalǵan», - dedi vedomstvo basshysy.

Onyń aıtýynsha Ortalyq Azııa elderiniń arasynda sýdy ádiletti bólý boıynsha birshama ózara túsinistik bar.

«Sýdy ádil bólý úshin Syrdarııa sý sharýashylyǵy balansy ázirlenip, memleketaralyq gıdroqurylystar avtomattanady», - dedi mınıstr.

Májilis tóraǵasy Erlan Qoshanovtyń málimeti boıynsha, 2040 jylǵa qaraı Qazaqstanda sý tutyný 46 paıyzǵa artady.