Syrdarııaǵa sýǵa batyp ketken ekinshi balanyń denesi tabyldy

QYZYLORDA. QazAqparat - Qyzylordada qutqarýshylar Syrdarııaǵa sýǵa batyp ketken ekinshi balanyń denesin tapty, dep habarlaıdy QazAqparat tilshisi.

Eske salsaq, oqıǵa keshe, 1 maýsymda Qyzylorda qalasyna qarasty Tasbóget kentinde bolǵan. Darııaǵa shomylýǵa barǵan eki bala sýǵa batyp ketken. Olardyń biriniń denesi sol mańda júrgen balyqshy jaǵaǵa alyp shyqqan. Ol bala 2008 jyly dúnıege kelgen jasóspirim ekeni anyqtaldy.

«Ekinshi balany Tótenshe jaǵdaılar departamenti qutqarýshylary sol kúni izdestirdi. Іzdeý nátıje bergen joq. Іzdestirý sharalary búgin, 2 maýsymda jalǵasty. Balanyń denesi saǵat 9.04-te ózi sýǵa túsken jerden 100 metrdeı qashyqta sý astynan tabyldy», - dep málim etti oblystyq Tótenshe jaǵdaılar departamenti Órt sóndirý jáne avarııalyq qutqarý jumystary qyzmetiniń baspasóz hatshysy Álııa Erejepova.