Syrdarııaǵa kópirden sekirgen adam qutqaryldy
QYZYLORDA. QazAqparat - Ótken demalys kúnderiniń birinde Qyzylorda oblystyq TJD kezekshisine «Syr ana» monýmenti mańynda Syrdarııa ózenindegi kópirdiń ústinen, on eki metr bıikten belgisiz er adam sýǵa sekirip ketkeni jóninde qońyraý shalynǵan. Bul týraly QazAqparat tilshisi TJD baspasóz qyzmetine silteme jasap habarlaıdy.
Atalǵan jerge qaıyǵy bar tórt qutqarýshydan jasaqtalǵan jedel qutqarý toby shyqty. Oqıǵa ornyna jetken kezde, qutqarýshylar er adamnyń sýǵa túsýge tyıym salynǵan jerde jáne mas kúıinde kópirden sekirip ketkenin anyqtady.
Ol jaǵaǵa júzip jete almady. Qatty aǵys ony ózenniń ortasyna alyp ketti.
Qutqarýshylar jedel qımyldap batyp bara jatqan adamdy qutqaryp alyp, jaǵaǵa shyǵardy. Oǵan alǵashqy kómek kórsetilip, keıin jetken jedel-járdem qyzmetkerlerge tapsyrdy.
Er azamat esin jıǵannan keıin, qutqarýshylarǵa jedel is qımyldaryna rızashylyǵyn bildirip, alǵys aıtty.
Ouıǵanyń mán-jaıyn polıtsııa anyqtaýda.
