Syrdarııaǵa batyp ketken qyz balanyń denesi tabyldy
BAIQOŃYR. QazAqparat - Baıqońyr qalasynda sýǵa batyp ketken 13 jastaǵy qyz balanyń denesi eki kúnnen keıin tabyldy, dep habarlaıdy QazAqparat tilshisi.
Oqıǵa 4 shilde kúni boldy. Sol kúni ol týystarymen Syrdarııa jaǵasyna demalýǵa kelgen.
«Onyń denesin izdestirýge Qazaqstan Respýblıkasynyń Baıqońyr qalasynda ornalasqan tótenshe jaǵdaılar jáne órt sóndirý bólimderi jumyldyryldy. Sondaı-aq, Aral aýdanynan sýdan qutqarý qyzmetiniń súńgýir mamandary shaqyryldy. Qyz balanyń denesi eki kúnnen keıin sýǵa túsken jerden tórt shaqyrymdaı qashyqtyqtan tabyldy», - dep málim etti Qyzylorda oblystyq Tótenshe jaǵdaılar departamenti órt sóndirý jáne avarııalyq-qutqarý jumystary qyzmetiniń baspasóz hatshysy Álııa Erejepova.
Jyl basynan beri Qyzylorda oblysynda sýǵa ketýdiń 16 oqıǵasy tirkeldi. Onyń ishinde 7-eýi bala.
