Syrdarııaǵa batyp ketken eki balanyń máıiti tabyldy
QYZYLORDA. QazAqparat – Qyzylorda oblysynda Syrdarııa ózenine batyp ketken 10 jáne 13 jasar eki balanyń máıitteri tabyldy, dep habarlaıdy QazAqparat tilshisi.
Oqıǵa 11 tamyz kúni keshki ýaqytta bolǵan edi. Oblys ortalyǵynda turatyn eki bala belgilenbegen jerde shomylǵan.
«Syrdarııa aýdany, Qaraózek stansasy mańyndaǵy darııa boıynda sýǵa batyp ketken eki balany izdestirýge oblystyq Tótenshe jaǵdaılar departamentiniń 7 qyzmetkeri qatysyp, 2 tehnıka tartyldy. Keshe izdestirý jumystary nátıjesiz boldy. Búgin tańerteńgi ýaqytta eki bala da oqıǵa ornynan 70-75 metr qashyqtyqta sý astynan tabyldy», - dep málim etti Qyzylorda oblystyq Tótenshe jaǵdaılar departamenti órt sóndirý jáne avarııalyq-qutqarý jumystary qyzmetiniń ókilderi.
Qyzylorda oblysynda jyl basynan beri sýdaǵy qaýipsizdik erejelerin saqtamaý saldarynan 27 oqıǵa tirkelip, 30 adam qaza boldy. Onyń 11-i bala.
