Syrdarııadaǵy sý deńgeıi byltyrǵydan áldeqaıda joǵary
QYZYLORDA. QazAqparat - Búgingi kúni Syrdarııa ózenine kóp mólsherde sý aǵyp kelip jatyr. Onyń ústine, mamandar bıyl qys qatty bolady dep boljam jasady.
Aldaǵy ýaqytta jáne muz qatý kezinde sý tasqynyn boldyrmas úshin qajetti jumystar atqarylýda.Bul týraly óńirlik kommýnıkatsııalar qyzmetinde ótken baspasóz máslıhatynda Aral-Syrdarııa basseındik ınspektsııasynyń basshysy Ádilhan Qarlyhanov aıtty, - dep habarlady QazAqparat tilshisi.
Qyrǵyz elindegi Toqtaǵul qoımasyndaǵy sý kólemi 19 mlrd 340 mln tekshe metr bolsa, Ándijan qoımasyndaǵy sý 1 mlrd 37 mln tekshe metrge jetken. Bıyl Bahrı Tochık, Sharbaq qoımalarynda da ádettegiden kóp mólsherde sý jınalǵan. Al Shardaradan sekýndyna 400 tekshe metr sý jiberilýde. Bul ótken jylmen salystyrǵanda 100 tekshe metrge artyq.
Búgingi tańda bolýy yqtımal sý tasqynynyń aldyn alý jumystary jasalýda. Oblys basshylyǵy tarapynan tıisti tapsyrmalar berilgen. Mamandar qajetti bógetter qarasha aıynyń sońyna deıin salynyp bitetinin aıtady. Qaýip týyndaı qoıǵan jaǵdaıda egistik alqaptardy sýaratyn barlyq deńgeıdegi arnalar men kólderge sý jiberilip, onyń deńgeıi tómendetiledi.
