Syrdarııadaǵy seń Qyzylorda qalasy tusynan qaýipsiz ótti
QYZYLORDA. QazAqparat - Qyzylorda qalasynan ótken seń búgin Syrdarııa aýdany Jaqapbaı ýchaskesi tusyna jetti, dep habarlady QazAqparat HAA tilshisi.
Seń qazirde Áıtek sý torabynan 25 shaqyrym tómen tur. Aqpan aıynyń ortasynda aýa raıy kúrt jylyp, seń Jańaqorǵan aýdany tusynan qozǵala bastaǵan bolatyn. Osyǵan baılanysty darııa arnasyna Qyzylorda oblystyq tótenshe jaǵdaılar departamenti kúsheıtilgen kezekshilik uıymdastyryp, jedel top múshelerimen birge monıtorıng júrgizilýde.
Bul jumys seń Aral teńizine jetkenshe turaqty jalǵasatyn bolady.
