Syrdarııada seń júrý deńgeıi qaýipti belgiden asty - Qazgıdromet
ASTANA. QazAqparat - Syrdarııa ózeninde seń júrý deńgeıi qaýipti belgiden asyp ketti, dep habarlaıdy «QazAqparat» HAA Qazgıdrometke silteme jasap.
Qazgıdromettiń 24 jáne 25 naýryzǵa jarııalaǵan eskertýine sáıkes, 26-29 naýryz aralyǵynda Qyzylorda oblysy aýmaǵyndaǵy Syrdarııa ózeninde muz keptelip, sýdyń deńgeıi kóteriledi, sý tasqyny bolýy múmkin.
Syrdarııa-Qazaly kópiri aýmaǵynda sýdyń qaýipti deńgeıi - 743 sm, 29 naýryzda seń júrgen kezde onyń deńgeıi 751 sm-ge jetken.
Qazgıdromet mamandary Syrdarııanyń tómengi aǵysyna jetken seńniń kólemi kóbeıip, muzdyń kepteletinin, saldarynan ózenniń deńgeıi kóterilip, sý tasqyny bolatynyn boljaýda.
