Syrdarııa sýy tómendep keledi - TJK
NUR-SULTAN. QazAqparat - Syrdarııa ózeniniń sýy tómendep keledi. Bul týraly búgin QR ІІM Tótenshe jaǵdaılar komıteti tóraǵasynyń orynbasary Barat Duzaqbaev aıtty, dep habarlaıdy QazAqparat tilshisi.
«Syrdarııa ózeni gıdrologııalyq beketiniń Qarauzaq beketindegi sýdyń naqty deńgeıi 695 sm-di quraıdy. 13 qańtar kúngi saǵat 18-den bastap sý deńgeıi 2 sm-ge tómendedi. Bul oraıda aıta keterligi, qaýipti belgi 665 sm, al qaterli belgi 770 sm sanalady. Taıaý jatqan Josaly eldi mekenine deıingi araqashyqtyq - 300 metr», - dedi ol.
Onyń aıtýynsha, Syrdarııa-Josaly beketindegi sýdyń naqty deńgeıi 678 sm bolyp tur. Al qaýipti belgi - 680, qaterli belgi - 720 sm. Josaly eldi mekenine deıingi araqashyqtyq - 200 metr.
«Syrdarııa-Qazaly beketinde sýdyń naqty deńgeıi - 639 sm. 13 qańtar kúni saǵat 18-den bastap sýdyń deńgeıi 4 sm tómendedi. Bul rette, qaýipti belgi 640 sm, qaterli belgi 749 sm quraıdy. Jaqyn mańdaǵy Josaly eldi mekenine deıingi araqashyqtyq 1 shaqyrym»,- dedi Barat Duzaqbaev.
