Syrdarııa ózeniniń sol jaǵalaýyn elektrmen qamtý jobasy qolǵa alyndy
QYZYLORDA. QazAqparat -Syrdarııa ózeniniń sol jaq jaǵalaýyn elektrmen qamtý jobasynyń 1 kezeńine oraı qurylys montajdaý jumystaryn júrgizýge aǵymdaǵy jyly oblystyq bıýdjetten 900 mln teńge bólinip, qazirgi ýaqytta memlekettik satyp alý jumystary júrgizilýde, dep habarlaıdy QazAqparat oblystyq energetıka jáne turǵyn-úı sharýashylyǵy basqarmasyna silteme jasap.
Aımaq eldi mekenderin elektrmen qamtý baǵytyndaǵy jumystar aıasynda Tóretam kentindegi 35/10 kV №22 QS-sy, kent pen Aqaı aýyldyq okrýgindegi 6-10/0,4 kV elektr jelilerin keńeıtý, Josaly kentindegi 220/35/10 kV «Josaly» QS-syn qaıta jańǵyrtý qolǵa alynǵaly otyr.
Sonymen qatar, Syrdarııa aýdany Besaryq eldi mekenindegi elektrmen jabdyqtaý júıesin qaıta jańǵyrtý jobasynyń qurylys montajdaý jumystaryna oblystyq bıýdjetten 30 mln teńge qarastyrylyp, qazirgi ýaqytta memlekettik satyp alý jumystary júrgizilip jatyr.
