Syrdarııa ózeninen «Kóksaraı» sý rettegishine qaraı tartylǵan kanaldyń arnasyn sý shaıdy
TÚRKІSTAN. QazAqparat - Túrkistan oblysynda Syrdarııa ózeninen «Kóksaraı» sý rettegishine qaraı tartylǵan kanaldyń arnasy buzylyp, tótenshe jaǵdaı oryn aldy. Aǵystyń ekpinimen jaǵalaýdaǵy bógettiń 500 metr jerin sý shaıyp ketken. Bul týraly oblystyq TJD mamandary málimdedi, dep habarlaıdy QazAqparat tilshisi.
Departament mamandary «Qazsýshar» mekemesimen birlesip, úsh kún boıyna arnany bekitý jumystaryn júrgizgenin aıtady. Oǵan 18 tehnıka men 30 adam jumyldyrylǵan. Osylaısha arnanyń buzylǵan jerine 6 300 tekshe metr tas aralas topyraq tógilgen. Jaǵalaýdaǵy topyraq qabaty barynsha qalyńdatylyp, nyǵyzdalǵan. Qazir ózen sýynan sol mańdaǵy aýyldar men eldi mekenderge eshqandaı qaýip joq.
Oqıǵa ornynda «Qazsýshar» mekemesiniń 6 qyzmetkeri arnaıy tehnıkalarmen kezekshilikke qoıylǵan. Mamandardyń esebinshe búgingi tańda «Kóksaraı» qoımasyndaǵy sýdyń mólsheri jyldaǵydan az bolyp otyr. Syıymdylyǵynyń 47 paıyzy ǵana sýǵa tolǵan. Buǵan Ońtústikte bıyl qardyń óte az jaýǵany sebep bolǵan.
«Taýly aımaqtardaǵy qardyń qory 40 paıyzdy quraıdy. Sondyqtan ázirge eshqandaı qaýip-qater joq. Al, oblystaǵy sý qoımalary 40-45 paıyzǵa toldy. Kóktemgi sý tasqyny kezinde sý qabyldaýǵa ábden múmkindigi bar»,- deıdi Túrkistan oblystyq tótenshe jaǵdaılar departamentiniń bastyǵy Nurǵalı Júnisov.
