Syrdarııa ózeninen keler qaýiptiń beti qaıtty
QYZYLORDA. QazAqparat - Buǵan deıin birshama qaýip tóndirgen Syrdarııa arnasy muz qata bastaǵaly qalypty jaǵdaıǵa kóshti. QazAqparat tilshisi Aral-Syrdarııa basseındik ınspektsııasy mamandaryna jolyǵyp búgingi ahýaldy bilgen edi.
Inspektsııa mamandarynyń aıtýyna súıensek, búginde bas qoıma sanalatyn qyrǵyz aǵaıyndardyń jerindegi Toqtaǵulda 17 mlrd 100 mln tekshe metr sý jınalyp tur. Odan tómen qaraı sekýndyna 676 tekshe metr bosatylýda. Shardaradaǵy búgingi sý qory 2 mlrd tekshe metrdi quraıdy. Bul áli de 3 mlrd tekshe metrden astam sý alý múmkindigi baryn kórsetedi. Oǵan sekýndyna 785 tekshe metr sý kelse, tómen qaraı 700 tekshe metr túsýde. Kóksaraı sý rettegishi sekýndyna 300 tekshe metr sý qabyldap jatyr. Qazirde onda 900 mln tekshe metr sý tur. Bul da sý rettegishtiń qabyldaý múmkindigi áli de joǵary ekenin kórsetedi. Arys ózeninen darııaǵa 46 tekshe metr sý qosylýda.
Osy kúnderi Qyzylorda sý torabynan sekýndyna 510 tekshe metr sý ótýde. Darııadaǵy muzdyń qalyńdyǵy ázirge 10-12 santımetrdi quraıdy. Sý muz astymen júrip jatqandyqtan qaýip joq,- deıdi mamandar.
