Syrdarııa ózenine batyp ketken 11 adam - aǵaıyndy tórt otbasynyń músheleri

TÚRKІSTAN. QazAqparat- Túrkistan oblysynda Syrdarııa ózenine batyp ketken 11 adam 4 aǵaıyndy otbasynyń músheleri bolǵan, dep habarlaıdy QazAqparat tilshisi.

Syrdarııa ózenine demalýǵa barǵan azamattardyń jalpy sany 20 bolǵan. ıAǵnı, 4 aǵaıyndy otbasynyń músheleri tabıǵat aıasynda tynyǵýǵa shyqqan.

Olar - Otyrar aýdanyna qarasty Kóksaraı aýylynyń turǵyndary.

Sodan sýǵa túsýge arnalmaǵan orynda shomylǵan 11 adam batyp ketken.

«Qosymsha izdeý jumystary jalǵasyp jatyr. Oqıǵa bolǵan jerge Túrkistan oblysy ákiminiń eki orynbasary, Otyrar aýdany ákimdigi, APB, TJB qyzmetkerleri, eriktiler joldandy. Qosymsha aqparat oqıǵanyń mán-jaıy anyqtalýyna qaraı usynylady» delingen Túrkistan oblysy ákimdigi taratqan aqparatta.