Syrdarııa ózenine 5 jasar bala men ákesi batyp ketti
ShYMKENT. QazAqparat - Túrkistanda Syrdarııa ózenine 5 jasar bala men ákesi batyp ketti. Qazir óńirdiń sýdan qutqarýshylary ákesiniń denesin izdestirip jatyr, dep habarlaıdy QazAqparat tilshisi.
Oblystyq TJD baspasóz qyzmetiniń málimetinshe, ákesi balasymen 7 maýsym kúni shomylýǵa barǵan. Keshki saǵat 19.20-larda abaısyzda sýǵa batyp ketken.
«7 maýsym kúni saǵat 20:45-te Túrkistan qalasy, Úshqaıyq aýyly mańyndaǵy Syrdarııa ózenine batyp ketken 1981 jyly týǵan er azamattyń jáne 2013 jylǵy balanyń denesin izdestirý jumystaryna OQO TJD «Jedel qutqarý jasaǵy» MM (5 qyzmetker, 1 dana tehnıka jáne 1 qaıyq) attandy», - delingen habarlamada.
Belgili bolǵandaı, keshe, 8 maýsym kúni túngi saǵat 01:30 shamasynda 20 adamnan turatyn týystary bes jasar búldirshinniń denesin sýdan taýyp shyǵarǵan. 37 jastaǵy ákesiniń denesin izdestirý jalǵasýda.
