Syrdarııa ózenine 14 jastaǵy jasóspirim batyp ketti -Qyzylorda
Oqıǵa 14 mamyrda Qyzylorda qalasy aýmaǵynda boldy. Jergilikti ýaqytpen 13.23-te Oblystyq tótenshe jaǵdaılar departamentine oqys oqıǵa týraly habar kelip tústi.
«Habarlamada 13:00 shamasynda Qyzylorda qalasy «Mereı» shaǵynaýdany mańyndaǵy Syrdarııa ózenine jasóspirim sýǵa batyp ketkeni aıtylǵan. Ol jabdyqtalmaǵan orynda sýǵa shomylǵan. 2009 jylǵy jasóspirimniń denesin súńgýirler izdestirdi. Nátıjesinde saǵat 14.48-de jasóspirimniń denesin sýdan alyp shyqty. Balalardy qaraýsyz qaldyrmaýdy, qaıǵyly jaǵdaıǵa ushyramas úshin balany qadaǵalaýdy suraımyz», - dedi Qyzylorda qalalyq tótenshe jaǵdaılar basqarmasynyń bastyǵy Jasulan Túımenov.
Vedomstvo málimetinshe, byltyr qala kóleminde 12 adam sý aıdynynda qaza boldy, onyń 6-ýy bala.
Eske salsaq, budan buryn Qyzylordada júk kóligi qaqqan jasóspirim qyz oqıǵa ornynda kóz jumdy.
