Syrdarııa ózenindegi bógettiń buzylýy saldarynan adamdar turmaıtyn 35 nysan sý astynda qaldy
ASTANA. Jeltoqsannyń 28-i. QazAqparat - Muz keptelýi saldarynan Syrdarııa ózeninen shyǵatyn aryq sýynyń bógeti buzylyp, 20 saıajaı úıshigi men 15 sharýashylyq nysan sý astynda qaldy,
dep habarlaıdy QazAqparat.
QR Tótenshe jaǵdaılar mınıstrliginen habarlaǵandaı, ótken senbi, jeltoqsannyń 26-sy kúni tańǵy saǵat 8-de Qyzylorda qalasynda Syrdarııa ózeninen bastaý alatyn aryqtyń bógeti buzylyp, «Vesna» baǵbandyq qoǵamynyń turǵyn emes 35 nysany sý astynda qalǵan.
«Sý shaıǵan aýmaqtyń kólemi shamamen 1 gektardy quraıdy. Qurban bolǵandar men zardap shekkender joq», - dep atap ótti baspasóz qyzmetinen.
Sol kúngi túski saǵat 15.25-te bógetti qaıta qalpyna keltirý jumystary tolyǵymen aıaqtaldy.
