Syrdarııa ózeninde sýǵa batyp bara jatqan 24 jastaǵy jigit qutqaryldy
Bul oqıǵa darııanyń oblys ortalyǵyndaǵy úshinshi irilendirilgen kvartal aýmaǵy tusynda oryn alǵan. 24 jastaǵy turǵyn darııanyń ortasyna deıin júzip barǵan. Odan keıin aıaǵy tartylyp qalǵan.
«Habardy alǵannan keıin qutqarýshylar dereý iske kiristi. Órt sóndirý jáne apattyq-qutqarý jumystary qyzmetiniń bólimshe basshysy Falymjan Elmuratov eki qutqarýshymen birge oǵan jyldam kómek kórsetti. Sol jerde alǵashqy medıtsınalyq kómek kórsetildi.
Oblys turǵyndary tarapynan qaýipsizdik sharalaryn saqtaý óz deńgeıinde oryndalmaı keledi. Áli sýǵa shomylý naýqany bastalǵan joq. Soǵan qaramastan keıbir azamattar ruqsat etilmegen aımaǵyna baryp,sýǵa shomylýdy ádetke aınaldyrǵan. Sońǵy 3 jyldyń ózinde oblys aýmaǵynda qaýipsizdik talaptaryn saqtamaǵan 74 azamat qaza tapty», - dedi oblystyq tótenshe jaǵdaılar departamenti órt sóndirý jáne apattyq-qutqarý jumystary qyzmetiniń baspasóz hatshysy Álııa Erejepova.