Syrdarııa ózeninde sý deńgeıi kóterildi
QYZYLORDA. QazAqparat - Syrdarııa ózeni arnasynan shyǵyp ketýi múmkin, dep habarlaıdy QazAqparat «Qazgıdrometke» silteme jasap.
«Muzdyq qubylystarǵa baılanysty Qyzylorda oblysynyń Qazaly qalasy tusynda Syrdarııa ózenindegi sý deńgeıi saǵat 08:00-den beri +29 sm kóterildi jáne de qaýipti belgige jaqyndady», delingen daýyldy eskertýde.
Naqty deńgeı saǵat 14:00-de 612 sm-ge jetken, qaýipti deńgeı 640 sm (sýdyń ózen arnasynan jaıylyp ketýi) bolýy kerek. Al, shekti deńgeı 743 sm (eldi-mekendi sý basý qaýipi týady).
«Sý deńgeıiniń odan ári kóterilýi kútiledi», delingen habarlamada.
